01/01/2006
06/01/01 Besteak beste
“La ciudad de la alegría”,
“¿Arde París?” eta
“Era medianoche en Bhopal” nazioarteko arrakasten
egile den Dominique Lapierre (Paris, 1931) idazle eta kazetari
ospetsuak hitzaldia eskainiko du urtarrilaren 20an, Santa Maria Katedrala
Fundazioak antolatutako “Katedrala ezagutzen”
zikloaren barruan. Mintzaldia arratsaldeko 20:00etan hasiko da Europa
Kongresu Jauregian.
Dominique Lapierri bere ilobak egingo dio lagun, ospe ezaguna duen
Javier Moro idazleak alegia. Biek elkarlanean idatzi zuten
“Era medianoche en Bhopal” eta orain, Javier Morok
bere aldetik, jada arrakasta den “Pasión
india” argitaratu berri du. “La ciudad de la
alegria”-ren egileak “Nola egin dezakegu mundu hau
hobea” izenburua hautatu du hitzaldirako.
Literatura gizarte-kontzientziarako instrumentu gisa ondoen ulertu duen
idazleetako bat da Dominique Lapierre. Indiako kanpaina humanitario
ugarirekin aritzen da elkarlanean, eta eurei zuzentzen dizkie egile
eskubideekin eta mundu osoan zehar eskaintzen dituen mintzaldiekin
lortutako diru-sarrerarik gehienak. Arrazoi horregatik eta bere
gizatasun solidario eta kulturala dela-eta, Santa Maria Katedrala
Fundazioak mintzaldi honetarako prezio sinbolikoa ezartzea erabaki du.
Hitzaldia Europa Kongresu Jauregian izango da. Francisco de Vitoria
Aretorako sarrerek hiru eurotan salduko dira eta hitzaldia
bideo-konferentziaz jasotzeko sarrerak (Barandiaran eta Rene Cassin
Aretoetan), berriz, bi eurotan. Horrez gain, Bisitarien Zentroan kutxa
bat ezarriko da, inork diru-laguntza osagarririk egin nahi izanez gero
bertan egin dezan. Bildutako
diru guztia Dominique Lapierrek laguntzen dituen proiektu
humanitarioetara zuzenduko da.
Sarreren prezioa berdina da bertaratzen diren guztientzat, eta aipatu,
hitzaldia iragarri gabe eskaera ugari jaso direla jada. Zentzu horretan
eta mintzaldiaren izate solidarioa dela-eta, Fundatzaileen Elkarteko
kideek ez dute beherapenik izango prezioan eta ez da protokolo
gonbidapenik ere gordeko. Interesdunek hilaren 5ean (osteguna) goizeko
10:00etatik aurrera lortu ahal izango dituzte sarrerak, Santa Maria
Katedralaren Bisitarien Zentroan. Nahi beste sarrera atera ahal izango
dira, baina Santa Maria Katedrala Fundazioak erabilpenean ardura izatea
eskatzen du, eskari handia espero baita.