11/02/2009
Vitoria-Gasteiz, 2009ko otsailaren 11.- Santa Maria
Katedrala Fundazioak eleberri historikoari buruz antolatu duen
“Katedralaren inguruko Topaketak” hitzaldi zikloan Ángeles Irisarri
idazlea izango dugu bihar. Arratsaldeko 20:00etatik aurrera Villa Suso
jauregia ‘Nafarroako Toda Erregina’ren bizipenen Erdi Aroko antzoki
bilakatuko da. Hitzaldia arratsaldeko 20:00etan hasiko da eta sarrera
doakoa izango da.
Salvador Santa Puche aditua Espainian judu sefardien egonaldiaz
mintzatu zen, Carmen eta Valle Vaquerok, aldiz, Garcilaso de la Vegari
buruz hitz egin ziguten eta aste honetan, ‘Katedralaren inguruko
Topaketak’ zikloan Ángeles Irisarri izango dugu entzungai.
‘Nafarroako Toda Aznar Erregina’ izenburuko hitzaldian Ángeles de
Irisarrik IX. mendearen bukaeratik X. mendeko erdialdera arte bizi izan
zen emakume haren bizitza laburbilduko digu. Iruñeko Sancho Garcés
I.arekin ezkondu zen eta horrela Iruñeko erregina bihurtu zen.
Ángeles de Irisarri Zaragozan jaio zen, Filosofia eta Letretan
lizentziaduna da, Bigarren Hezkuntzako irakasle lanetan aritutako da
eta artxibozaina ere izan da. Urteak daramatza literaturan soilik lan
egiten, baina publizitate agentzia batean ere lan egin zuen.
25 liburutik gora idatzi ditu. Aipagarrienak honako hauek dira: ‘Toda,
reina de Navarra’ (1991), ‘El estrellero de San Juan de la Peña’
(1992), ‘Ermessenda, condesa de Barcelona’ (1994), ‘Las damas del fin
del mundo’ (1999), ‘La reina Urraca’ (2000), ‘Trilogía de Isabel, la
reina’ (2001), ‘Romance de ciego’ (2005) eta ‘La artillera’ (2008).
Literaturaren alorrean egin duen lanari esker, hainbat sari lortu ditu,
honako hauek, besteak beste: narrazio laburraren Isabel de Portugal
saria birritan, 1992an eta 1994an, Lumen argitaletxeko Emakume eleberri
saria (1994an), Baltasar Graciá narrazio saria (1996an) eta eleberri
historikoaren Alfonso X el Sabio saria. Horrez gain, lankidetzan
aritzen da hainbat komunikabidetan, esaterako, Heraldo de Aragón eta
ABC egunkarietan zutabegile gisa, baita aldizkarietan ere.
Hitzaldia arratsaldeko 20:00etan
hasiko da Villa Suso Jauregian. Sarrera librea izango da toki guztiak
bete arte, eta Santa Maria Katedraleko Fundatzaileen Elkarteko kideek
lehentasuna izango dute 19:45ak arte.
.
.