25/02/2009
Vitoria-Gasteiz,
2009ko otsailaren 25a.- José Luis Urrutia Bilboko idazlea
bihar "Katedralaren inguruko Topaketak" zikloaren beste
hitzordu baten protagonista izango da. Hitzaldia, Santa María
Katedralaren Fundazioak antolatutakoa, 20:00etan hasiko da Villa Suso
Jauregian, sarrera librea egongo da eta "Pertsonaia anonimoak:
historiako benetako protagonistak" izenburua du.
Santa María Katedrala Fundazioa negu honetan eleberri historikoari
buruzko topaketa-zikloa egiten ari da, eta ziklo horren barruan bihar
José Luis Urrutia gurekin izango dugu, José Calvo Poyato Kordobako
idazleak pasa den astean utzitako lekukoa hartuko du.
Bilbon 1958. urtean jaio zen José Luis Urrutia,
eta literaturaren alorrean poesian eman zituen bere lehen urratsak;
genero horretakoa zen 1981. urtean argitaratutako “Sangre enamorada”
obra. Baina hurrengo idazkiak kontaketa laburrak izan ziren, 1988.
urtean eleberri historikoaren munduan sartu zen arte; ordutik hona
etenik gabeko jarduera burutu du genero horretan.
Lehen eleberrian pertsonaia bat ezagutarazi zuen lau emanalditan
banatutako bizipenen bitartez. Elías de Aldama zen pertsonaia hori.
Idatzitako azken eleberrien artean ondokoak nabarmendu ditzakegu:
“César Borgia. El hijo de Papa" (2008), "El inquilino del balneario de
Orduña” (2006), “La sombra de Lanzuri. El Ayalés” (2006) edo “Ignacio.
Los años de la espada” (2005). Halaber, iaz euskal eta
kanariar idazleen antologia batean parte hartu zuen; “2.050 kilómetros
de palabras” titulua zuen eta Tenerifeko Baile del Sol argitaratzeak
argitaratu zuen.
“Lecturas entre paradas” eta “Lecturas en el Arenal” bildumetan parte
hartu du kontaketa labur batzuekin, eta gainera zenbait gidoi ere
idatzi ditu, eta horien guztien artean 2008an Ondare Historikoko
Europar Jardunaldietarako Urduña Hirira egindako antzerki bidezko
bisitak nabarmendu ditzakegu.
José Luis Urrutiak zenbait komiki ere idatzi ditu, adibidez “El secreto
de las piedras rojas”, Arrigorriagako Udalak (Bizkaia) sustatutako
proiektu turistiko eta kultural bat da. Aunia eta Neu aldizkarietan ere
lan egiten du. Halaber, literatura-jarduerarekin batera,
kultura-jarduerak, mintzaldiak, eta hitzaldiak burutu ditu eta
epaimahaiko kide izan da zenbait literatura-lehiaketatan.
José Luis Urrutiaren hitzaldia 20:00etan hasiko
da Villa Suso Jauregian. Sarrera librea izango da toki guztiak bete
arte, eta Santa Maria Katedraleko Fundatzaileen Elkarteko kideek
lehentasuna izango dute 19:45ak arte.