10/03/2009
Gasteiz,
2009ko martxoaren 10a.- "Katedrala ezagutzen” Santa María
Katedralak antolatutako hitzaldi-zikloan, bihar Valentziako Antonio
Penadés idazlea izango dugu. Hitzaldia 20:00etan hasiko da Villa Suso
Jauregian, sarrera librea izango da, eta "Antzinako Grezia, literatura
eta arkitektura tenplarioaren sorleku” du izena.
Santa María Katedralaren Fundazioaren hitzaldi-zikloa amaitzear dago,
martxoaren 31n, hain zuzen. Kasu honetan, idazle honek hamar urte behar
izan zituen lehen liburua idazteko, “El hombre de Esparta”, baina
literaturako kritikoek diote ezin dela damutu, eleberri historikoko
erreferentziako izen bihurtu baita.
Antonio Penadés Valentzian
jaio zen 1970. urtean, Informazio Zientzietan eta Zuzenbidean
lizentziadun da; gainera Antzinako Historiko aditu da.
Literaturaren munduan sartu zen "El hombre de Esparta” liburuari esker;
eleberri historiko hori 2005ean argitaratu zen Espainian, eta urtebete
geroago Grezian, eta arrakasta handia izan zuen. Obra Grezia Klasikoan
girotuta dago Peloponesoko Gerren aurreko hilabeteetan (KA 431-404);
atenastarren eta espartarren arteko borrokak kontatzen ditu. Penadés,
gainera, aurten argitaratuko den eleberri historikoari buruzko
saiakera-liburu batean parte hartu du; gaur egun liburu horren
zuzenketak egiten ari dira. Bidaietako saio-kronikako liburu horrek
"Tras las huellas del Heródoto" du izena.
Penadések irakaskuntzan biziki jardun du eleberri historikoari buruzko
literatura-tailer bat zuzentzen baitu Ikasketa Klasiko eta Ekialdeko
Ikasketen Valentziako Institutuan; tailerra 2005ean sortu
zuten. Gainera Literaturako irakasle da Valentziako CEU
Negozio Eskolan, eta zenbait hitzaldi eta solasaldi ematen ditu
institutu eta eskolatan Greziako literatura eta zibilizazioari buruz.
Komunikabideekin ere lan egin du, bai idatzizko komunikabideekin, bai
irratiekin; eta aipatzekoak dira Nacional Geographic aldizkari
ospetsuan argitaratutako zenbait artikulu, “Guerreros de Esparta. La
mejor infantería griega” eta ” La batalla de Termópilas. La gesta de
Leónidas" izenekoak alegia. Halaber, Antzinatasunean,
Ikasketa Klasikoetan, eleberri historikoan edo Antzinako Grezian
espezializatutako zenbait kongresu eta jardunalditan parte hartzen du
maiz.
Antonio Penadésen hitzaldia, "Antzinako Grezia, literatura eta
arkitektura tenplarioaren sorleku” izenekoa, 20:00etan hasiko da Villa
Suso Jauregian. Sarrera librea izango da toki guztiak bete
arte, eta Santa Maria Katedraleko Fundatzaileen Elkarteko kideek
lehentasuna izango dute 19:45ak arte.