02/06/2009
Gasteiz, 2009ko
ekainaren 2a.- Santa María Katedraleko elizpeko polikromiez gozatzeko
doako bisitak ekainaren 10era arte luzatuko dira. Santa María Katedrala
Fundazioak, hasiera batez ekainaren 5era arte antolatutako bisitak
agortu direnez, horixe erabaki du.
Maiatzaren 27an, asteazkena, Gasteizko elizaren elizpeak, bideo
digitala proiektatzeko sistema sofistikatu bati esker, zituen koloreak
berreskuratu zituen eta XVI. mendetik XX. mendera polikromiek izan
zuten bilakaera ikus daiteke. Europan bakarra den argi eta kolore
ikuskizun bikain honek bisiten eskaintza zabalduko du.
Ordutik hona 1.500 bat pertsona etorri da elizpera edo ekainaren 5a,
ostirala, baino lehen etortzea erabaki du. Hasiera batez egun horretan
doako kanpainarekin amaitzea aurreikusi zen. Baina herritarren interesa
eta ikusmina ikusita, eliza kudeatzen duten Fundazioko arduradunek
kanpaina ekainaren 10era arte, asteazkena, luzatzea erabaki dute.
Horrela bada, ekainaren 10era arte egunero bi bisita egingo dira, bat
19:00etan eta beste bat 19:30ean, eta 70 pertsonako taldeek
Paterninatarren Kaperan aurkitu diren estilo piktoriko eta kromatiko
desberdinen bilakaera historikoa ikusi ahalko dute, hainbat urtez
ikerketak egin ostean. Egun horretatik aurrera, elizpea eta haren
polikromiak egunero ikusi ahalko dira arratsaldeko azken orduan 3
euroko prezioan. Bisitei buruzko informazio gehiago lortzeko eta
erreserbak egiteko: 945 255 135.