19/06/2009
Vitoria-Gasteiz, 2009ko ekainaren
19a.- Ebony klarinete laukoteak kontzertua eskainiko du
bihar, larunbata, Santa Maria Katedraleko elizpean. Taldea Gasteizko
musika kontserbatorioan sortu zen eta errepertorio zabala du.
‘Kontzertuan eta irekita’ zikloko kontzertu hau arratsaldeko 20:00etan
hasiko da eta doakoa izango den arren, beharrezkoa izango da aldez
aurretik gonbidapena eskuratzea.
Hilaren 13an Lautada Abesbatzak errezitaldi polifoniko arrakastatsua
eskaini zigun autore arabarren lan hautatu batzuekin, bihar, aldiz,
Gasteizko Jesús Guridi Kontserbatorioko ikasgeletan sortutako beste
talde baten txanda izango da.
Ebony klarinete laukotea musika eskola
horretako klarinete ikasgelan eratu zen instrumentu horren familiako
errepertorioa (jatorrizkoa nahiz taldera egokitutakoa) ezagutzera
emateko eta aldi berean, ikasleen prestakuntzarako tresna baliotsu gisa
balio izateko. Horrez gain, aipatzekoa da errepertorio zabala duela eta
musika estilo gehienak barne hartzen dituela.
Biharko kontzertuko programak bi zati izango ditu eta Farkas, Händel,
Dubois, Mozart, Yasinitsky, Thompson, Gershwin, Marshall eta
Wiberny-ren lanak eskainiko dizkigute.
Kontzertu hau doakoa izango
da eta Katedraleko elizpean egingo da arratsaldeko 20:00etan. Toki
kopuru mugatua dagoenez, beharrezkoa izango da gonbidapenak Bisitarien
Harrera Zentroan (Buruileria Plazan) jasotzea.