03/07/2009
Vitoria-Gasteiz, 2009ko uztailak
3.- Gasteizko Erdi-Aroko harresiak bisita-ordutegia
zabalduko du uztaila eta abuztuan zehar gasteiztar eta kanpotarrek
eguneko edozein unetan bertara doan hurbiltzeko aukera izan dezaten,
bisita-gidatuan parte hartu beharrik izan gabe. Hortaz, Hirigune
Historikoaren defentsa-altxor txiki hau zabalik egongo da 11:00tatik
14:00tara eta 16:30tatik 20:00tara astelehenetik ostiralera, eta
larunbatetan ordutegi jarraian.
Erdi-Aro garaiko
hiriaren Alde Zaharra kultur eta turismo jardueraren epizentro
bilakatzeko erronkaren baitan, Vitoria-Gasteizko Hirigune Historikoa
Era Integralean Biziberritzeko Agentziak, Santa Maria Katedrala
Fundazioarekin elkarlanean harresietara egiten diren bisiten ordutegia
zabaltzea erabaki du. Uztailak 4 larunbata, bihartik aurrera, eta
Almendra Azokarekin bat eginez, harresia zabalik egongo da 11tatik
14tara eta 16:30tatik 20:00tara asteko egun guztietan. Larunbatetan,
gainera, ez dute eguerdian itxiko. Modu honetan, hiriaren ondare
historikoaren zati bat den ibilbide honetan barna abiatu eta bertan
dagoen lorategi botaniko ikusgarria begietsi nahi dutenek, doan egin
ahal izango dute eguneko ia edozein uneetan.
Baina hau ez da aukera
bakarra izango. Harresian barna paseoan ibiltzeaz gain,
aurre-hitzordurik gabeko bisita-gidatuak egin ahal izango dira. 45
minuturo abiatuko dira esparruko atetik euro baten truke.
Gazteenek ere eurentzako berezko eskaintza izango dute. Santa Maria
Katedrala Fundazioak helduena baino alai eta dibertigarriagoa den
bisita gidatua diseinatu du. Egunero egingo da 11:30 eta 18:30tan,
aurre-hitzordurik gabe baita ere, eta 18 urtez beherakoentzat doanekoa
izango da.
Udako proposamen
honez gain, orain arte izan diren ibilbideei ere eutsiko zaie. Bisita
osatuagoa nahi duenak 2 euroren truke egin ahal izango du 11:15, 12:45,
17:15 eta 18:45tan Santa Maria Katedraletik abiatuta.