08/07/2009
Vitoria-Gasteiz, 2009ko
uztailaren 8a.- Santa Maria Katedralaren elizpean
larunbatean Moliére-en ‘El Avaro’ (Elkorra) lana ikusteko aukera egongo
da. Tàbola Rassa konpainiak kritika eta ikusleen artean arrakasta
handia izan duen lan klasiko hau eskainiko digu antzeztokian.
Arratsaldeko 20:00etan hasiko da eta beharrezkoa izango da aldez
aurretik gonbidapena jasotzea.
Tàbola Rassa konpainia
Olivier Benoit eta Miquel Gallardoren lankidetzari esker sortu zen.
Haiek, Jordi Bertranekin batera, ‘El Avaro’ ikuskizuna sortu zuten.
2000. urtean antzeztu zuten lehenengo aldiz katalanez eta lana
gaztelerara eta frantsesera egokitu zuten 2001ean, eta ingelesera
2007an. 2004an Olivier Benoitek konpainiaren zuzendaritzari heldu zion
eta orduan, bi kide berri sartu ziren, hain zuzen ere, bertsio
galiarrean Gallardoren ordez arituko zen Jean-Baptiste Fontanarosa
aktore frantsesa eta Asier Sáez de Ugarte. Jorge García da zuzendari
teknikoa eta Sadock Mouelhi teknikari lanetan arituko da.
Sortu zenetik, Tàbola Rassa 15 herrialde baino gehiagotan aritu da eta
500 ikuskizun baino gehiago eskaini dituzte eta aipatzekoa da ikusleen
eta kritikaren harrera oso ona izan da. Santa Maria Katedralaren
elizpean Moliére-en ‘Elkorra’ (El Avaro) lanaren egokitzapen bat
aurkeztuko dute, hau da, guztiak dirua gutiziatu beharrean, ura nahiko
dute. Egokitzapen honetan protagonistak ontziak, iturriak, tutuak eta
mahukak izango dira. Bi aktorek 12 pertsonaia interpretatuko dituzte
eta klasiko honen bertsio bitxi eta dibertigarria eskainiko dute.
Lan hau honako herrialde hauetan
aurkeztu dute besteak beste: Espainia, Italia, Portugal, Brasil,
Txekiar Errepublika, Erresuma Batua eta Kanada. Aipatzekoa da sari
ugari lortu dituela, esaterako: Brasileko Belo Horizonteko Jaialdian
Epaimahaiaren Saria eta Ikusleen Saria (2003), Kroazian Zagrebeko BPG
Jaialdiko Saria (2005) eta ikuskizunik originalaren saria Lutkeko
jaialdian, Eslovenian (2008).
Lan hau Santa Maria Katedrala Fundazioaren ‘Kontzertuan eta irekita’
programaren barruko ikuskizuna da. Arratsaldeko 20:00etan hasiko da
Katedraleko elizpean. Toki kopuru mugatua dagoenez, beharrezkoa izango
da gonbidapenak Bisitarien Harrera Zentroan (Buruileria Plazan)
jasotzea.