02/09/2009
Gasteiz,
2009ko irailaren 2a.- Santa Maria Katedrala Fundazioak
muralen lehiaketa bat antolatu du Arabako ikastetxe guztietako lehen
eta bigarren mailako hezkuntza zikloetako ikasleentzat; lehiaketa
horren lema “Nola nahiko zenuke plaza hau izatea?” da.
Dorrearen oinaldean dagoen plaza ixten duten hormetan —plaza hori gaur
egun zaharberritzeko lanengatik okupatuta dago— islatu nahi dugu eremu
enblematiko hori gerora begira nola izatea nahiko luketen.
Fundazioak ekimen honen bidez arabar gazteenei irudimen-ariketa bat
egitea proposatu die, proiektu zoragarri honetaz gehien disfrutatzen
dutenei alegia; aldi berean, ikasleen, irakasleen eta gurasoen parte
hartze eta inplikazio aktiboa bilatu nahi du gure katedralaren eta
ingurunearen berreskuratze emozional eta sinbolikoari dagokionez.
Parte hartzaileek proiektu bat bidal dezakete gela bakoitzeko, beraz
proiektua taldeka egingo dute, eta epea urriaren 18an amaituko da.
Aurkeztutako zirriborroen artean, bost pertsona garrantzitsuk osatutako
epaimahaiak zortzi onenak aukeratuko ditu. Saria ondokoa
izango da: zirriborro horiek 4 metroko luzerako eta 2 metroko
garaierako mural bihurtuko dira, eta horiekin batera testu txiki bat
jarriko dugu euskaraz, gazteleraz, ingelesez eta frantsesez.
Diseinuak Santa María Plazaren inguruko hormetan jarriko ditugu
urtebetez, eta urtero lehiaketa honen deialdia egingo dugu.
Parte hartzen duten ikastetxe guztiak, jarduera honetako parte
hartzaile moduan aipatuko ditugu..
Santa Maria Katedralaren Fundazioaren egoitza behin-behingoz jarri dugu
Bisitarientzako Harrera Zentroan (Buruileria Plaza z/g), eta proiektuak
astelehenetik ostiralera 10:30etatik 14:00etara eta 16:00etatik 20:00ak
arte ekar ditzakezue.