19/03/2012
Vitoria-Gasteiz, 2012ko martxoaren 19a.- Siguenzako Katedrala izango da Santa Maria Katedrala Fundazioak antolatutako hitzaldi-zikloko konferentziaren protagonista bihar. ´Topaketak beste katedral batzuekin´ zikloaren barruan, Jose Ballesta izango da hizlaria, arkitektoa eta tenpluaren Plan Gidatzailearen idazlea. Iluntzeko 20:00etan hasiko da Luis de Ajuria aretoan eta sarrera doakoa izango da.
Siguenzako (Guadalajara) Katedralak eraikitzeko bi etapen estiloen nahasketa du: lehena erromantikoa da Siguenzako lehen gotzainak, Bernardo de Agen-ek, 1130 edo 1140ean hasitakoa eta bere ondorengoak Pierre de Leucate-k jarraitu zuten estilo gotikoarekin eta influentzia languedocarrekin. ´El Doncel de Sigüenza´ (Siguenzako dontzeila) gisa ere ezagutzen da, Santiagoko zaldunarengatik. Vazquez de Arce familiako kidea eta Granadako Gerran hil zena. Fatxadan bi dorre trinko ditu, gotorleku-itxura ematen diotena, eta atearen gainean trazeria konplexuko arrosa-leiho handi bat du, XIII. mendekoa. Elizaren oinak gurutze latindarraren forma du, hiru nabe, gurutzadura eta kapera nagusia girolarekin. Barnealdean, beste instalazio artistiko batzuen artean, Arcetarren kapera nabarmentzen da Siguenzako Dontzeilaren estatua etzanarekin, baita sakristia nagusia edo buruena ere.
Hitzaldiaren izena ´Siguenzako Katedrala. denboran zeharreko garapena eta azken esku-hartzeak´ izango da eta Jose Juste Ballesta izango da hizlaria, arkitektoa eta tenpluaren Plan Gidatzailea idatzi duena. Madrilgo Erkidegoko Historia Ondarearen Zuzendaritza Nagusiko arkitektoa da eta hainbat eraikin eta ondare historikotan hartu du parte, besteak beste Guadalajarako Konkatedralean, Buitrago del Lozoyako harresietan eta jauregi-gotorlekuan eta Guadalajarako Cogolladoren Duke-jauregian. Era berean, diziplina arteko taldetan parte hartu du ondare historikoari buruzko hainbat inbentario eta azterketa egiteko, eta zenbait monumentu multzoren plan zuzentzaileak idatzi ditu, hala nola Siguenzako Katedralarena. Horretaz gain, bertan lanean aritu da 1998az geroztik zenbait gune zaharberritzen Eduardo Barcelo de Torres arkitektoarekin lankidetzan.
Hitzaldia 20:00etan hasiko da Luis de Ajuria aretoan (Alaba Jeneralaren kalea, 7), eta sarrera doakoa izango da.