Gaurkotasuna

17/05/2012

Canta Cantorum abesbatzak bihar abestuko du Santa Maria Katedralaren nabean

Vitoria-Gasteiz, 2012ko ekainaren 15a.- Santa Maria Katedralaren erdiko nabean izango da bihar Arabako hiriburuan sortutako Canta Cantorum abesbatzaren emanaldia, eta askotariko errepertorio bat eskainiko du, obra klasikoak herri-abestiekin eta abesti garaikideekin konbinatuta. Errezitala 20:00etan hasiko da, eta 'Kontzertuan eta Irekita' zikloaren barruan egingo da.  

Canta Cantorum abesbatza 2001eko urrian sortu zen Vitoria-Gasteizko Vedruna musika-eskolarekin lotutako hainbat guraso eta irakasleren bultzadari esker. Jatorrian, hamabost lagunek osatzen zuten, Silvia Hernandezen zuzendaritzapean. 2010. urteaz geroztik, Nagore Alangua da berrogeita hamar abeslari baino gehiago izateraino handitu den taldea zuzentzen duena. Horien guztien jatorria askotarikoa da, eta, horietako askok musika-prestakuntza handirik ez duten arren, musikarekiko gustua partekatzen dute, hainbat estilotako abestiak interpretatuz: eliz musika, herri-folklore askotarikoa, Gabonetako abestiak, egokitutako abesti garaikideak, etab. 

Ikasturtean zehar, eta hamargarren urteurrena ospatzeko, abesbatzak hainbat kontzertu eskaini ditu. Abenduan Santa Maria Parrokian eguberriekin batera, martxoan Aingeruen Elizan abesbatza-topaketa bat antolatu zuen Lautada eta Dultzinea abesbatzekin, eta maiatzean Salamancan, San Esteban elizan, kontzertu bat eskaini zuten (Domingotarrak).  

Santa Maria Katedralean errepertorio zabal bat interpretatuko dute, bi zuzendarien esku. Nagore Alanguaren zuzendaritzapean honako obra hauek interpretatuko dituzte:  

• - Tourdion (Herri-musika frantsesa)




• - Maitia nun zira (J. Uruñuela)




• - Bogoroditse Devo (S.Rachmaninov)




• - Del Solar (A.Donnay)




• - Cantares (J.M.Serrat/Arr.L.Cangiano)




• - Quizás la tarde* (J.Elberdin)




• - Insalata italiana op.68 (R.Genée)

 * Erabateko estreinaldia. Abesbatzarentzat idatzitako agindutako obra CANTA CANTORUM. Eta Silvia Hernándezen zuzendaritzapean: 

• - Shenandoah (Herri-musika amerikarra/Arr.J.Erb)




• - Saratarra (J.M.Bastida)




• - Nerea izango zen (Arr.J.Busto)




• - Te quiero (A.Favero/Arr.L.Gangiano)




• - El abanico (J. Trayter)




• - A tu lado (J.Busto)




• - Era una flor (J.Romo)

  Kontzertu horretarako sarreren aldez aurreko salmenta agortu egin da. Sarrera kopuru mugatu bat jarriko da bakarrik jendearen esku atean errezitala hasi baino lehen. 6 euroko prezioa dute, 3 eurokoa Katedraleko Fundatzaileen Zirkuluko bazkideentzat.