05/06/2014
Lagun horiek:
Badator eguna! Eta, elizbarrutiko apezpikuak hala erabakita, katoliko guztientzat berezia den egunean izango da: Mendekoste egunean.
Katedral Zaharra, gure katedrala, zentzuz eta erantzukizuna hartuta, berriro erabili ahal izango da gurtzeko eta jendea elkartzeko hiriko toki nagusi gisa.
Bere historian une esanguratsu ugari bizi izan ditu; ikerketa eta aurkikuntzen (zenbaitzuek “irakurketa eguneratuak” esango liekete) ondorioz haren ezagutza zabalagoa da, izan ere, halako hainbat egin dira barrualdean azken... 20 urteotan edo gehiagotan ere!
Jatorrizko harresien ondoan egindako aurreko eraikin erromanikoa izan zenetik (imajinatu sagarapen-elizkizunak berriki harresituriko
Gasteiz hartan) Gaztelako erresuman gehitutako hiri berriaren harresi berrietan jarritako tenplu handi bat agertzen zuen irudi gaztelaua izan arte.
Elizpearen aurrealdeko tinpano gotikoetako eskulturen mezua sentitzean, ez al duzue sumatzen gure arbaso gasteiztarren (eta Santiagorantz zihoazen bisitari erromesen) harridura irudiak azaldu eta esanahiak argitu zirenean (oraindik ere eztabaida egoki eta jakitunak sortzen dituena unibertsitate-eremuan)?
Oraindik ere durundi egin behar dute gure Andre Mariaren horma eta bobedetan kolegiata bihurtu zeneko sagarapen-elizkizuneko kantikek. Behar bezalako igoera izan zen, gerora etengabe nahi izandako katedral izateko bidean aurrera eginez.
Imajinatu zer izan zen hiritar eta inguruko arabar guztientzat XVI. mendean dorre-talaia handia mailaz igotzeko prozesua. Edo kanpai erraldoiek
ateratako lehen hotsek egindako inpresioa. Zer nolako burrunba eragin izango zuten lautadako herrietan? Vitoria hiriburua?
Azkenik, 1813ko guduarekin Napoleonek eraikina katedral bihurtzeko egindako saiakera zapuztuaren ondoren eta 1853ko sute handiari aurre hartuta, 1862an tenplua katedral gisa zutitzeko ekitaldiek poza ekarri zuten.
Oraingo honetan ez zaituztet zorionduko gure katedralaren historia gorabeheratsuan gehitu beharreko gertaera berriagatik, baizik eta jarraipenen, biziraupenaren eta, azken finean, etorkizunaren benetako protagonistak izateagatik, bai zuek bai zuen arbasoak.
Hemendik aurrera, beraz, ez da ospakizun handirik egingo, izan ere, guztioi esker, katedrala inoiz baino biziago dago:
- Berriro entzungo dira kanpai-hotsak eta dorreak berriro adieraziko digu ordua…
- Organo berria eta berriztatu den zaharra joko dituzte…
- Haurrek jolas egingo dute zaharberritutako Santa Ana aurrealdearen pean…
- Metro-Katedral ibilbideaz gozatu ahal izango dugu…
Juan Ignacio Lasagabaster, Santa Maria Katedrala Fundazioko zuzendari teknikoa