Ikuspegi musikal oro baliozkoa izan daiteke, baina erabilitako tresnak eta horiek interpretatzeko manera bat badator konpositorearen garaiko bizipenekin, esan daiteke puzzlearen piezak ahokatzen direla, sinergia eztabaidaezina sortuz. Printzipio horretatik abiatuz, Bilboko Josetxu Obregón biolontxelo jotzaileak La Ritirata taldea sortu zuen, interpretazio historikoan jardungo zuen taldea, barrokoko, klasizismoko eta lehen erromantizismoko errepertorioak birsortzeko asmoz, biolontxeloaren agerpenetik harik eta haren interpretazio historikoaren eta modernoaren arteko lerroa estutu arte erromantizismoa amaitu zenean. La Ritiratak izena hartzen du “La Musica Notturna delle strade di Madrid” bostekoaren azken mugimendutik, Luigi Boccherini biolontxelo jotzaile eta konpositorearen ohorez.
10 urteko ibilbidean, ospe handiko jaialdi eta areto askotan jo dute Europan, Amerikan, Asian eta Ekialde Hurbilean, esate baterako Musikfestspiele Potsdam-en, Ludwigsburger Schlossfestspiele-n eta Tage Alter Musik Regensburg-en (Alemania), Internationalen Barocktage Stift Melk-en (Austria), Txinako Antzoki Nazionalean (Beijing), Tel Aviveko Felicja Blumental-ean (Israel), Luccako Centro Studi Boccherini-n (Italia), Sligo Festival of Baroque Music-en (Irlanda), Valletta International Baroque Festival-en (Malta).
Halaber, bira ugari egin dituzte Amerikan zehar (Mexiko, Txile, Kolonbia, Costa Rica, Bolivia, Peru, Ekuador…). Gure herrialdean oso ohikoa da jaialdi eta eszenatoki ezagunetan ikustea, hala nola Madrilgo Musika Auditorium Nazionaleko CNDMko Unibertso Barrokoan eta Ganbera Lizeoan, Bilboko Euskalduna Jauregiko Musika/ La Folle Journée-n, Bartzelonako Auditoriumeko Antzinako Musikako Jaialdian, Santanderreko Botín Fundazioaren Nazioarteko Jaialdian, Madrilgo Unibertsitate Autonomoaren Interprete Handien Zikloan, Úbeda eta Baezako Antzinako Musika Jaialdian, Lizarrako Antzinako Musika Jaialdian, eta abar.
2011tik INAEMen dirulaguntza jasotzen dute eta, horri esker, La Ritiratak zenbait grabazio egin ahal izango ditu Verso, Arsis, Columna Música eta Cantus disko etxeentzat, eta 2013tik Glossa zigiluaren artistak dira. Haien grabazioek kritikaren arrakasta handia lortu dute Europako argitalpen nagusietan, eta hainbat sari eta aipamen lortu dituzte: “CD Compact” gomendatua, Scherzo aldizkariaren “Hilabeteko Disko Bikaina”, Ritmo aldizkariak “bereziki gomendatutako diskoa”, “Melómano de Oro”, “Supersonic Pizzicato” (Luxenburgo), “4 étoiles” Classica (Frantzia), ... Era berean, kritika bikainak ere erdietsi dituzte Toccatan eta Fono Forum-en (Alemania), Gramophone-n, BBCn (Erresuma Batua), etab.
La Ritiratak RNEren 2013ko Begi Kritikoaren Saria jaso du musika klasikoaren modalitatean (antzinako musikako talde bati eman zaion lehendabiziko aldia) eta Codalario Saria 2014ko musika produkturik onenarentzat.
Aurreko denboraldian La Ritiratak hainbat jaialditan jo zuen, besteak beste Potsdam Sanssouci-ko jaialdian (Berlingo Gemäldegalerie- n, Deutschlandradio Kultur-ek Alemania osorako zuzenean grabatu eta eskainitako emanaldian), Lizarrako Antzinako Musikaren Astean, Fertod-eko Haydn String Quartet Festival Eszterháza-n (Hungaria), Vilniusko Banchetto Musicale-n (Lituania), Varazdin Baroque Evenings-en (Kroazia, herrialdeko telebista nazionalak zuzenean emandako jaialdiaren inaugurazio kontzertuan) eta Bogotako Arte Sakroko Nazioarteko 5. Jaialdian. Orobat, kontzertuak eskaini zituen Madrilgo Errege Jauregian, Aljerreko Musika Sinfonikoaren Nazioarteko Jaialdian, El Escorialeko San Lorentzoren Karlos III.aren Errege Koliseoan eta Tel-Aviv-eko Felicja Blumental Jaialdian.
