19/10/2024
Xuxulaka taldea izango da jaialdi hau aurkezteko hitzordu musikalean, gaixotasun arraro bati ikusgarritasuna eman eta sendabide bat ikertzeko dirua biltzeko. Kontzertua Elizpean izango da, urriaren 19an, 19:00etan.
Patxi Villen (jaialdiaren zuzendaria) eta Ainara Moreno dira
Xuxulaka. Bikoteak Irlandako zelta musika tradizionalean oinarritutako
errepertorioa aurkeztuko du; horrela, irlandar gaita eta whistleak joko ditu
Patxik eta harpa Ainarak. Kantuen artean, Irlanda, Eskozia, Euskadi, Galizia
eta Gaztelako folk doinuak dakarzkiguten konposizioak daude.
2013az geroztik, Aitzina Folk Jaialdi Solidarioaren helburua
da, batetik, folk eta kultura tradizionala zabaltzea, musika, dantza eta
tailerrekin, eta, bestetik, gaixotasun arraro bat, ataxia telangiektasia
izenekoa, ikertzeko borroka bultzatzea, Euskadin gaixotasun hori duten 3
pertsona baitaude eta 40 inguru Estatuan.
Bazkideek 945 255135 telefonora deitu behar dute urriaren 16a baino lehen, gonbidapena erreserbatzeko. Publikoak oro har sarrerak eskuratu ahal izango ditu urriaren 10etik aurrera labur.eus/xuxurlaka web gunean.
