2024ko edizio honetan, 20 taldek hartuko dute parte guztira, 5 kontzertutan, eta kontzertuak maiatzeko ostiral guztietan izango dira, maiatzaren 10etik hasita. Ekainaren 14an, azken kontzertua eskainiko da.
Santa Maria Katedralaren zaharberritze-lanak hainbat doktorego-tesi egiteko oinarri izan dira. Hilabete honetan iritsi da azkena Fundaziora, Nerea García Ventadesen “Bizitza eta heriotza Gasteizen, XII. mendetik XVIII. mendera. Santa Maria tenpluko nekropoliaren azterketa bioantropologiatik, paleopatologiatik eta paleo-genetikatik”.
Hirigintza arloko esku-hartzeari esker, narriadura-egoera nabarmenean zegoen eraikina erabilera anitzeko espazio bihurtu da, eta horrek alde zaharreko kalerik enblematikoenetako bat biziberritzen lagunduko du.
Hurbil dagoen Katedraleko aterpetxearen jarduera osagarriak hartuko ditu, Arabako Foru Aldundiak sustatutako Gazterock edo Zineleku gazte udalekuak, edo Gasteizko Udalarekin lankidetzan antolatutako eskola-umeentzako dibulgazio-tailerrak, besteak beste
Proiektuak material eta jarduera hauek ditu: bisita artistiko berri bat, aurkezpen bideo bat, dibulgazio liburuxka bat eta arteari buruzko atal espezifiko bat Fundazioaren webgunean.
