Santa Maria katedrala zaharberritzeko lanetan nazioarteko hainbat gutun eta dokumentutan zehazten diren gomendioei jarraitu zaie. Zaharberritze Plan Zuzentzailea idatzi zenetik gaur egun arte, diziplinarteko talde batek zuzendu du tenplua leheneratzeko prozesuan, erabakiak hartuz, fase bakoitza sistematikoki dokumentatuz, eta monumentuarekiko errespetu gorena mantenduz.
